03.02.2013, Narrensprung Rede BM Schreiber

Lieba Narre von nah und fern-
au i begrüß Euch heut zom Narrensprung.

Gut, dass ihr alle komme seid,
ond miterlabet, wia se mit mir omgend heut.

Dia Hexa fallet schreiend ins  Rothaus nei
ond machet au no a große Sauerei.

G´fesselt schleifet se mi s´Rothaus nonder
als ob i en Verbrecher wär, so an Donder.

Nur guat, dass i so viela Zeuge hab,
dass i völlig ohschuldig be angeklagt!

Also , DuSie Zonftmeister , i sags DirIhnen glei,
wenn DuSie will´sch Recheschaft von mir heit,

so hau i a ganz reins Gwissa-
i hau nix falsch gmacht, i dät´s doch wissa!

Alle Anklaga von DirIhnen weiß i z´rück,
mi a´klaga - ha desch isch scho a starkes Stück!

D´ Wohrheit isch doch-  i hab gar nix verbrocha,
ond gher nämlich sofort frei gschprocha!

In dena knapp 100 Dag hab i gar nix g´schafft,
no hab i doch au koine Fehler g´macht!

Des hohe Narragericht muaß deshalb bald erkenna,
dass es sich mit dera Anklag duat nau d´Fenger verbrenna!

Drom brave Weiler Bürger- nehmt Euch in Acht-
dia Narra wellet jetzt an die Macht!

Dia wellet nau Stadt ganz alloi regiera
ond allerhand Narrengesetze ausprobiera.

D´r DuSie will s´Rothaus ond d’Finanza dirigiera
ond mit dem Borger zsamma a Vetterleswirtschaft installiera.

Dia denket nau an sich ond ihra Narra- Karriere
ond mir Bürger hend nachher die Misere!

Nau in de Sack von d´r AHA nei schaffa,
no goht´s steil abwärts mit dem Städtle, do wend ´r gaffa.

Lebä dend se dann in Saus ond Braus,
ond hinterher den se Steura erhöha auf
„Deifel komm raus!“

Da kommt mir nau no ein Gedanke-
wollet wir diese Zustände? Nein danke!

Also müssa mir dia Machtübernahme verhindern
damit sich onsere Schmerzen dend lindern.

I hab au schon en Geheimplan- soll i euch den nenna-
wia mir dia Narra lahm lega kennet?

Psst- Ihr liaba Leut- i sag´s Euch unverhohla,
D´Borger ond d´Kadasch dend mir zu d´r Stadt hola!

Der DuSie Zonftmeister wird uff em Rothaus der neua Sekretär,
no ka der macha koi Fasnet mehr.

No muss der fescht schaffa bei der Stadt jeden Tag
no isch der obends z´miad für dia AHA!
Ond den Präsident, den Michel Borger, den schlaue Fuchs,
für den hend mir en besondere Poschta , des isch koin Jux.

Den macha mer zom neue Stadtretter-
der wird der neue Beigeordneter!

Mit dem Sekretär ond dem Beigeordneter-
ha des wär wonderbar-
no weret mir uff dem Rothaus unschlagbar!

Nao goht´s nau no uffwärts, nau greifa m´r a -
no machet m´r Johannes  Kepler Bahn ond hengat Calwkutta ond Boschanova henna na!

No send mir ganz vorne ond bestimmet d´Kurs -
no hoißt dia Bahn „ Weil 21“- des wär en Genuss!

Mei liaba Scholli, da wär was los,
d ´Borger und d´Kadasch jeden Tag uff´m Rothaus.

Aber s`ísch nau en Draum- i mach jetzt Schluss
weil  i  jetzt mit Regiera uffhöra muss.

Ihr hend des ja alle vernomma,
d´r Rothausschlüssel wird m´r nun gnomma.

Drum schließ i jetzt den Rothaus – Lada,
denn da Schuldess hot ab sofort nix mehr zum saga.

I übergeb jetzt dia Rothausmacht
an die AHA  bis Fasnetsdienstagsnacht.

Bis zom Aschermittwoch isch´s vorbei mit meirer Herrlichkeit -
drom lebe hoch die Fasnetszeit!

Ab sofort send jetzt die Narra an d´r Macht,
und folget dena, sonscht gibt´s bloß Krach!

I wünsch Euch nun  a schöne  Fasnet
und wenn se au no glückselig  isch,

no sieht mr am Aschermittwoch
außer a  müdes auch a  fröhliches G´sicht!

Ond  vergesset net:
Trotz allem Spara auf dera Welt -
geiht´s für dia Fasnet emmer no a bißle Geld!

Den Rothausschlüssel geb i jetzt her, aber nur,
desch isch doch klar
mit einem 3 fach donnernden:

AHA - AHA - AHA!

Hier der Film des Programmpunktes: