zurück 
11.11.2003, 11.11 Uhr Saisoneröffnung
Drei Kamerateams, die lokalen Zeitungen und Biena Maja kämpften um den besten Platz. Und da hörte man schon die Klänge der Narrenkapelle die Stuttgarter Straße herauf kommen .....
Und wieder wirft der Siebenerrat heut koin Konfekt,
sondern stellt Euch vor a neues Konzept.
In viele Sitzungen den mir onser Hirn scho strapaziera,
ond überleget wie mir zukünftig denn am Umzug kassierat.
40-tausend Leute - onser ganze Stadt isch voll,
älle findet onsern Umzug toll.
Ein jeder kann sich amüsiera,
aber des Ganze muaß sich finanziera.
Anscheinend isch es s'Wichtigschde von der ganza Welt;
richtig - es geht mol wieder oms Geld.
Grund dafür - ond lieabe Leut - des isch der Hit;
mir kassieret onsere Zuschauer via Satellit.
Heut isch Probelauf - mir hen's oifach probiert,
ond wie Ihr seht - es hot au funktioniert.!
1.111 Narren zeigt der Zähler an -
ond des isch a Gerät - dem man glauben kann.
Es isch net wie in Berlin - do heißt es bloß bla..bla...
bei ons steckt mehr dahinter - die Narrenzunft AHA.
A große Gosch hen diea ghet - ond gschriea ganz laut,
ab August gibt's für LKW's die elektronische Maut.
Was die geleischtet hen - do kosch bloß schreia,
aber sicherlich koin Orda dafür verleiha.
In Millionenhöhe beläuft sich dieser Schada,
aber gega niemand kann man richtig klaga.
Es isch jo quatsch - ma ko jo net für kilometerweite Schlanga,
au no richtig Geld verlanga.
Toll collect - so hieß der Betreiber
mit Sicherheit waret des bloß a paar domme Weiber
Ond kaum war beantwortet eine Frage,
kam scho wieder die nächschde Klage.
Da kennsch grad moina, alle schweben auf einer Wolke
ond Steuermann ist Verkehrsminister Stolpe.
Unser Chef, der heißt net Schröder,
es isch Blumi und es kennt ihn jeder.
Bei uns da gab es koi Problem
weil mir löset des Ganze mit System.
Unser System ist excellent -
toll collect hot den Anschluss leider verpennt.
Unsere alte Eintrittsbändel, so han i denkt
werdet an diese Herren jetzt verschenkt.
Mitsamt de Kischtla schicket mir die dann nach Berlin
verkaufen sollet se Schröder, Künast ond Trittin.
An was Elektronisches könnet die sich nemme traua,
die sollet sich zom Kassiera ganz oifache Heißla baua.
Ich seh se schon en ihre Häusla hocka,
ond mit onsre Eintrittsbändel zocka.
Vorna drauf isch dann der Hexa-Doppelkopf,
so wird do draus au no an Zopf.
Und am Fasnetssonntag 2004
treffet mir ons älle wieder hier.
Onser Konzept des isch 1A,
auf onsre Fasnet drei kräftig donnernde AHA.
